Pavarësisht se ëndrra e madhe e të gjithëve te Barceona është transferimi i Julian Alvarez, katalanasit po shqyrtojnë edhe alternativa të tjera, të cilat janë shumë herë më të mundshme sesa argjentinasi.
Eksperti i merkatos, Ekrem Konur, zbulon se Barcelona po monitoron me shumë kujdes një tjetër emër për sulmin. Bëhet fjalë për Luis Suarez, kolumbianin e Sporting Lisbon, Luis Suarez, i cili ka shënuar 33 gola në 47 ndeshje këtë sezon, në të gjitha garat. Përfshi këtu edhe 7 asiste të dhënë.
Për 28-vjeçarin ka një interes të madh edhe në Premier League, ku ndiqet nga klube si Aston Villa, Newcastle dhe Tottenham, por interesimi i fundit i Barcelonës, mund të ndryshojë komplet situatën. Suarez është nën kontratë me Sporting deri në vitin 2030. Largimi i tij nga portugezët nuk do të jetë aspak i lehtë.
Edhe pse se vlera e tij në transfermarkt është 28 milionë euro, Sporting ka lënë të kuptohet se nuk do të hiqte dorë nga Suarez për më pak se 50 milionë euro.
