Antonio D’Avirro, avokati i Gianluca Rocchi, ka folur ekskluzivisht për “Pressing” lidhur me njoftimin e hetimit ndaj ish-drejtuesit të arbitrave: “E kam takuar, është i demoralizuar sepse e konsideron veten viktimë të një padrejtësie. Ai beson se këto akuza janë të pabazuara.
Është sjellë gjithmonë me korrektësi dhe transparencë, ndaj e shqetëson fakti që i atribuohet një akuzë kaq e rëndë. Nuk e di nëse do të kthehet, por do të dimë të mbrohemi mirë. Po vlerësojmë çfarë hapash ligjorë do të ndërmarrim përpara të enjtes (kur Rocchi pritet të dëgjohet nga prokurori Maurizio Ascione)”.
Për krahasimin me “Calciopoli”, ai tha: “Kjo është një gjë tjetër. Këtu flitet për 2-3 persona të përfshirë, ndërsa atëherë ishin qindra persona dhe rreth dhjetë klube”. Avokati shtoi gjithashtu se në hetim përmenden persona të tjerë të panjohur dhe se bëhet fjalë për një vepër me shumë të përfshirë, ndërsa në njoftimin e hetimit përmendet vetëm Rocchi.
