Manchester City po planifikon të hapë seksionin e ri të tribunës veriore të zgjeruar të stadiumit “Etihad” për ndeshjen e tyre të fundit të sezonit kundër Aston Villa. Kjo do të rrisë kapacitetin e vendit me rreth 7,000 në më shumë se 60,000.
Klubi do të organizojë një ngjarje testuese në 50% të kapacitetit shtesë më 20 maj. Nëse ka sukses, seksioni i ri do të hapet me kapacitet të plotë për ndeshjen e Premier League me Villan katër ditë më vonë.
Ngjarja testuese do të vlerësojë elementët kryesorë operativë të objektit dhe do të marrë formën e një mbrëmjeje argëtimi, me bileta me çmim 5 stërlina për të rriturit dhe 3 stërlina për U18, duke përfshirë ushqimin dhe pijet.
Danny ëilson, drejtor menaxhues – operacionet e Manchester City, tha: “Pas viteve të planifikimit dhe ndërtimit, ne jemi afër përdorimit të seksionit të zgjeruar të ulëseve me hyrje të Tribunës Veriore”.
Këto përditësime shënojnë fazën e parë të hapjes së zhvillimit me zonat e mikpritjes, zonën e tifozëve dhe kompleksin përreth Medlock Square që do të hapen më vonë në vitin 2026.
Kjo do të thotë më shumë tifozë për festën e titullit, nëse Manchester City do të arrijë t’i fitojë të gjitha ndeshjet e mbetura në Premier League, që do ta nxirrnin sërish në krye të renditjes.
