Cristiano Ronaldo duhej të priste më shumë se dy vjet për ta çuar Al Nassr përsëri në majë të Arabisë. Ai ishte protagonist absolut në titullin që skuadra e tij fitoi, duke realizuar dy gola në fitoren vendimtare.
Së fundi, portugezi ndau një mesazh në rrjetet sociale në lidhje me përfundimin e sezonit të tij me klubin saudit, përpara Kupës së Botës, ku ai do të luajë me kombëtaren e vendit të tij.
“Çfarë sezoni! Që nga dita e parë, e dinim se çfarë donim dhe çfarë do të duhej për të arritur atje. Ne punuam, luftuam dhe dhamë gjithçka në çdo seancë stërvitore dhe në çdo ndeshje”, tha Cristiano Ronaldo.
“Nuk ishte një rrugë e lehtë, por e bëmë së bashku. Faleminderit që besuat tek ne dhe që ishit pranë nesh në çdo hap të rrugës“, shkroi CR7 në rrjetet sociale, që festoi si i çmendur këtë trofe bashkë me skuadrën dhe tifozët.
