Real Madrid po kërkon një mbrojtës për krahun e djathtë, pasi Alezander-Arnold po kalon një moment delikat. Ai është lënë jashtë listës së Anglisë për Botërorin e kësaj vere në SHBA, Kanada dhe Meksikë.
Sipas “Team Talk”, anglezi nuk konsiderohet një lojtar qendror në projektin e Mourinho-s, që pritet të marrë sërish drejtimin e “Los Blancos”. “Special One” kërkon nga klubi madrilen që t’i sjellë në skuadër holandezin Denzel Dumfries.
Anësori i djathtë ka një klauzolë prej 25 milionë eurosh për prishjen e parakohshme të kontratës me Interin, që do të humbiste një titullar me peshë në këtë rast. Drejtuesit e Realit kanë nisur punën dhe Dumfries mund të veshë fanellën e bardhë të “galaktikëve” këtë verë.
Teilen:
