Arsenali u dorëzua në finale në kompeticionin e Champions League, pavarësisht se nuk humbi në këtë garë gjatë gjithë sezonit. Pas ndeshjes në Budapest, Mikel Arteta ishte mishërimi i zhgënjimit: “Ndjej dhimbje. Kur je kaq afër fitimit të trofeut më të mirë të Evropës, me penallti, është e vetmja gjë që mund të ndjesh”, tha trajneri i “Topçinjve” në një konferencë për shtyp.
“Tani duhet ta lësh dhimbjen të shkojë dhe ta shndërrosh atë në karburant për të arritur një nivel tjetër. Dua të përgëzoj PSG-në, ata janë skuadra më e mirë në botë. Ne nuk donim të luanim kështu, por ata të detyrojnë ta bësh”.
Pastaj erdhi kritika dhe polemika me gjyqtarin dhe VAR-in: “Pastaj është çështja e penalltive: ajo që u dha për Mosquera-s, ajo që nuk u dha për Madueke-s. Nuk e kuptoj pse njëra mund të jetë penallti dhe tjetra jo; për mua mund të kishte qenë lehtësisht”.
