Jurgen Klopp është gjithnjë e më afër stolit të Gjermanisë, me një kontratë deri në Kupën e Botës 2030. Die Ëelt raporton se gjatë fundjavës, presidenti i Shoqatës Gjermane të Futbollit (DFB), Bernd Neuendorf, dhe presidenti i ligës Hans-Joachim Ëatzke, do të fluturojnë për në Neë York për të finalizuar marrëveshjen me ish-trajnerin e Liverpoolit.
Sipas gazetës, Klopp do të nënshkruajë një kontratë katërvjeçare, e cila do t’i lejojë atij të udhëheqë ekipin kombëtar në Kampionatin Evropian 2028 dhe Kupën e Botës 2030. Ai do të fitojë një pagë pak më të lartë se paraardhësi i tij, Julian Nagelsmann, i cili thuhet se fitonte deri në shtatë milionë euro në vit.
Klopp, megjithatë, nuk është i shqetësuar për anën financiare. Një nga çështjet kryesore ka të bëjë me marrëdhënien me Red Bull, ku Klopp mban pozicionin e Shefit të Futbollit Global me një kontratë që vlen deri në vitin 2029. Sipas Die Ëelt, nuk parashikohet asnjë kompensim për ndërprerjen e parakohshme të marrëveshjes.
Sa i përket stafit të trajnerëve, asistenti i parë ka të ngjarë të jetë Peter ‘Piet’ Kraëietz, asistenti i hershëm i Klopp te Borussia Dortmund dhe Liverpool dhe tani edhe te Red Bull. Asistenti i dytë pritet të jetë holandezi Pepijn Lijnders, asistent i Klopp për shumë vite te Liverpool dhe së fundmi nën drejtimin e Pep Guardiolës te Manchester City.
Zsolt Loeë, aktualisht drejtues i zhvillimit të futbollit te Red Bull, nuk pritet t’i bashkohet stafit. Kontratat e sponsorizimit thuhet gjithashtu se janë afër zgjidhjes. Klopp nuk do të ketë konflikte me partnerët kryesorë komercialë të DFB-së, ndërsa marrëveshja e tij personale me Adidas, sipas gazetës, do të skadojë pas Kupës së Botës 2026 dhe nuk do të rinovohet.
Takimi në Neë York do të shërbejë kryesisht për të finalizuar projektin sportiv dhe për të konsoliduar marrëdhënien personale midis Klopp dhe udhëheqjes së DFB, duke përsëritur një model të miratuar tashmë në vitin 2004 kur federata arriti një marrëveshje me Jürgen Klinsmann për të trajnuar ekipin kombëtar në Neë York. Nëse marrëveshja formalizohet, Klopp do të bëhet trajneri i 13-të në historinë e Gjermanisë.
