Kapiteni i Anglisë, Harry Kane, konfirmon se ka luajtur golf me Donald Trump. “Luajtëm rreth 18 muaj më parë. Ai më ftoi kur isha në Palm Beach, dhe kur presidenti të fton…”, tha Kane. “Ishte një përvojë surreale të takohesha me të dhe të luaja me të. Ai në fakt luan mjaft mirë. Shpresoj të mund të luaj siç bëj kur të arrij moshën e tij. Ishte një përvojë unike. Jam mirënjohës që më ftoi”, theksoi ai.
Komentet e tij vijnë pas lëvdatave të Trump për Kane në platformën e tij të mediave sociale. Kane tha gjithashtu se u takua me David Beckham në orët e fundit ndërsa Anglia po stërvitej për ndeshjen kundër Norvegjisë. “Ai tha fat të mbarë, është një tifoz i madh i Anglisë. Ai erdhi për të na mbështetur. Është një legjendë e Anglisë dhe shpresojmë ta bëjmë krenar”, vuri në dukje ai.
