Përkundër interesimit të madh dhe insistimit për transferimin e tij këtë verë, skuadra e Lazios duket se ka hequr dorë nga shërbimet e Armando Brojës.
Bëhet e ditur se Lazio ka marrë një vendim të tillë, pasi te Burnley kanë konfirmuar një lëndim të Brojës në stërvitje, i cili do ta mbajë jashtë fushe për disa javë.
Kështu që, te Lazio nuk janë të sigurt për transferimin e Brojës, i cili edhe sezonin e fundit ka pasur telashe me lëndimet.
Në fakt, Lazio i kishte bërë ofertë Burlneyt, duke kërkuar huazimin njëvjeçar të Brojës me opsionin e blerjes së tij verën tjetër.
Megjithatë, tashmë Lazio po kërkon një sulmues tjetër pasi trajneri Gennaro Gattuso ka këshilluar klubin të heq dorë nga Broja.
Sulmuesi i Shqipërisë, verën e shkuar iu bashkua Burnleyt dhe me ekipin që do të bëjë gara në Championship, ka kontratë deri në verën e vitit 2030.
