Interi fitoi miqësoren kundër Manchester Cityt me penallti. Chivu mori reagime pozitive, veçanërisht nga Stankoviç: “Ai ishte shumë i mirë në aspektin e përkushtimit dhe cilësisë”. Trajneri theksoi nevojën për të blerë një lojtar krahu: “Ne kemi tre anësor për momentin. Carlos Augusto mund ta bënte, por unë e preferoj atë si një mbrojtës të tretë. Afati kalimtar është ende i gjatë, kështu që duhet të jemi të duruar dhe të zgjedhim me mençuri”.
Taktikisht, kemi parë disa eksperimente. A është diçka që do ta shohim përsëri?
“Ne përshtatemi bazuar te kundërshtarët tanë. Kemi parime për të ndjekur dhe mund të përmirësohemi shumë në aspektin e guximit. Ndonjëherë ia dolëm t’u bëjmë presion duke shtyrë përpara vijën tonë, ndërsa herë të tjera e mbrojtëm portën më mirë. Në pjesën e dytë, ramë pak. Është një provë e mirë për të gjithë. Rruga është e gjatë dhe ka ende shumë punë për të bërë”.
