Një skuadër arbitrash shqiptarë do të vendosë drejtësi në ndeshjen Debrecen-FC Copenhagen, e vlefshme për turin e tretë kualifikues të Conference League.
Enea Jorgji do të jetë arbitri kryesor i ndeshjes që do të luhet të enjten në orën 19:00 në Hungari, ndërsa Denis Rexha dhe Xhulio Mani do të jenë asistentët e tij.
Gjyqtari i katërt i takimit do të jetë Olsid Ferataj, ndërsa Albert Doda do të jetë asistent në VAR.
Ky është vlerësimi i radhës nga UEFA për arbitrat shqiptarë, që çdo javë kanë gjykuar ndeshje në kompeticionet europiane.
Teilen:
