Elbasani prezanton afrimin më të fundit në këtë sesion të merkatos. Atdhe Mazari, sulmuesi shqiptar i lindur në Strugë është përforcimi më i ri i skuadrës verdheblu.
25-vjeçari, që së fundmi ka qenë pjesë e Varazdinit në elitën e futbollit kroat, luan në krahët e sulmit dhe shihet si një element që mund t’i japë më shumë alternativa stafit teknik në fazën ofensive.
Atdhe Mazari ka luajtur edhe me Shkëndijën e Tetovës, Rabotnickin dhe Strugën në Maqedoninë e Veriut.
Mazari ka pasaportë shqiptare dhe ka luajtur edhe me kombëtaren shqiptare U17 në vitin 2017.
Teilen:
