Interi po ndjek në merkaton e kësaj vere një kriter të qartë: përvojën në Champions League. Pothuajse të gjithë lojtarët e afruar, ose të kërkuar kanë luajtur në turneun më të madh europian, me synimin për të sjellë eksperiencë dhe siguri në ndeshjet vendimtare. Objektivi është i qartë: ta fitojë Champions-in, pasi dy herë në tri vite e ka parë trofeun t’i ikë në mënyrë të dhimbshme, në finale.
John Stones kryeson me 62 ndeshje, 6 gola dhe 4 asistime në Champions. Ai e ka fituar trofeun me Manchester City. Benjamin Pavard ka 57 ndeshje, 3 gola dhe 5 asistime, ndërsa e ka fituar me Bayern Munich më 2019-20. Aleksandar Stankovic, vetëm 21 vjeç, numëron 10 ndeshje, 2 gola dhe 2 asistime.
Babai i tij, Dejan, ka 87 ndeshje. Portieri Ivan Provedel ka 8 ndeshje dhe 1 gol, të shënuar ndaj Atletico Madridit. Ndër objektivat e tjerë: Curtis Jones ka 28 ndeshje, 1 gol e 7 asistime, ndërsa Cristian Romero dhe Nico Gonzalez kanë përkatësisht 22 dhe 17 ndeshje.
