Sezoni i ri i Premier League-s nis sonte me përballjen mes kampionit në fuqi, Arsenalit, dhe Coventry Cityt, skuadrës së sapo ngjitur në elitën e futbollit anglez. Ndeshja zhvillohet në “Emirates Stadium” dhe është sfida hapëse e sezonit 2026/27.
Arsenali, që sezonin e kaluar fitoi titullin e Premier League-s, e nis mbrojtjen e kurorës para tifozëve të tij. Në anën tjetër, Coventry rikthehet në nivelin më të lartë pas 25 vitesh dhe synon ta nisë aventurën me një rezultat pozitiv, transmeton lajmi.net.
Trajneri i Arsenalit, Mikel Arteta, ka vendosur të startojë me David Raya në portë, ndërsa në formacion janë edhe Ben White, Mosquera, Gabriel, Calafiori, Declan Rice, Lewis-Skelly, Martin Ødegaard, Bukayo Saka, Christos Tzolis dhe Kai Havertz.
Arsenal : Raya, White, Mosquera, Gabriel, Calafiori, Rice, Lewis-Skelly, Ødegaard, Saka, Tzolis, Havertz.
Coventry, i drejtuar nga Frank Lampard, përgjigjet me Rushworth, van Ewijk, Thomas, Amenda, Dasilva, Grimes, Onyeka, Yirenkyi, Tchaouna, Thomas-Asante dhe Simms.
Coventry City: Rushworth, van Ewijk, Thomas, Amenda, Dasilva, Grimes, Onyeka, Yirenkyi, Tchaouna, Thomas-Asante, Simms.
Kjo përballje vendos përballë dy skuadra me objektiva krejtësisht të ndryshëm: Arsenali synon ta mbrojë titullin e kampionit, ndërsa Coventry kërkon të sigurojë mbijetesën pas rikthimit në Premier League./lajmi.net/
