Nëse në Superiore nuk kanë munguar polemikat e arbitrimit pas javës së parë të kampionatit, edhe në Spanjë gjërat nuk kanë shkuar të gjitha mirë. Një situatë në veçanti ka shkaktuar shumë diskutime, duke ushqyer një polemikë të vërtetë që duket se do të zgjasë gjatë.
Ndeshja mes Granada dhe Mallorca ka përjetuar momente të tensionuara me rastin e golit të dytë të vendasve. Nën lupën e kritikave ishte sjellja e arbitrit Saul Ais, i cili në rastin e një goditjeje nga këndi fishkëlleu për rifillimin e lojës në momentin kur skuadra bardhekuqe e kishte vënë tashmë topin në lojë. Kaos në fushë dhe autogol mes polemikash të pafundme, ndërsa VAR nuk ndërhyri pavarësisht vonesës së dukshme.
Arbitri i Granada-Mallorca fishkëllen, por është tepër vonë: polemika në Spanjë
Teilen:
