Trajneri i Chelsea, Xabi Alonso, ka deklaruar se skuadra e tij është gati për të bërë një sezon të mirë dhe konkurrues. Londinezët mundën 2-0 së fundi Luton në Kupë, një test i mirë para sfidës me Brighton në Premier League.
“Na duhej të luanim me durim. Luton po mbrohej me zemër, ishin të fortë, kështu që e dinim se kundër asaj skuadre nëse mbroheshin kaq ulët, nuk do të ishte e lehtë. Në pjesën e parë, folëm të ishim të duruar dhe të vazhdonim”, tha Alonso.
“Është hera e parë që luanim kundër një blloku të ulët këtë sezon, ndaj duhet të përgatitemi kur skuadrat luajnë në atë mënyrë. Duam të kemi një skuadër të plotë në të gjitha aspektet”, deklaroi trajneri i Chelsea.
Më tej,spanjolli komentoi: “Duam një ekip që të ketë cilësi, personalitet, lojtarë të rinj dhe me përvojë, në mënyrë që lojtarët e rinj të marrin ndihmë, që ata të jenë ende lojtarë për t’u zhvilluar”.“Jam i kënaqur me energjinë dhe qëndrimin e lojtarëve. Tifozeria jonë ka qenë e shkëlqyer, kemi nevojë për ta për të gjithë sezonin. Do të kthehemi këtu të dielën“, tha Alonso.
