Gabriel Jesus do të largohet nga Arsenal dhe do të transferohet te Barcelona. Sulmuesi brazilian po bën realitet ëndrrën e tij të madhe për të luajtur në La Liga.
Në vitin 2022, kur vendosi të largohej nga Manchester City, Gabriel Jesus ishte shumë pranë transferimit te Real Madrid. Carlo Ancelotti e pëlqente shumë sulmuesin braizlian dhe dha “ok” për transferimin e tij.
Megjithatë, kjo gjë nuk ndodhi pasi Real Madrid kishte përdorur të gjitha vendet e rezervuara për lojtarët jashtë Bashkimit Evropian. Vinicius Junior, Rodrygo dhe Eder Militao mbushën ato tre vende jo-evropiane dhe të tre ishin ende duke pritur për pasaportat spanjolle. Kjo nuk la vend për të regjistruar Gabriel Jesus, i cili në fund vendosi të transferohej tek Arsenal.
Një transferim që dikur u anulua nga një pasaportë te Real Madridi, tani duket se do të kryhet zyrtarisht, vetëm se me destinacion tjetër, Barcelonën.
