Goli i tij në Madrid, i shoqëruar me një paraqitje të shkëlqyer, theksoi rëndësinë e Carlos Augusto për projektin e Inter. Klubi zikaltër është plotësisht i vetëdijshëm për këtë dhe ka hapur rrugën për rinovimin e kontratës, e cila aktualisht skadon në vitin 2028.
Zgjatja e marrëveshjes së mbrojtësit të krahut është prioritet për kampionët e Italisë, ndërsa drejtori i ri sportiv, Baccin, po punon për të zgjidhur çështjet kontraktuale të gjashtë lojtarëve të skuadrës (mes tyre edhe Dimarco e Carlos Augusto).
Në rastin e Carlos Augusto, shumëçka do të varet nga vetë braziliani, ai duhet të bindet se mund të sigurojë hapësira dhe vazhdimësi te zikaltrit, edhe pse 27-vjeçari aktualisht renditet pas Bastoni dhe Dimarco në hierarkinë e trajnerit Chivu.
Priten zhvillime javët në vijim, me Inter që është gjithashtu i gatshëm të rregullojë pagën e tij. Ndërkohë, Carlos Augusto mund ta nisë sërish si titullar të hënën kundër Udinese, megjithëse gjithçka varet nga gjendja e Dimarcos.
