Chelsea ka dalë si favorit për transferimin e mesfushorit të talentuar të Barcelonës, Marc Bernal, sipas raportimeve të GiveMeSport.
19-vjeçari, produkt i akademisë së famshme “La Masia”, konsiderohet një prej mesfushorëve më premtues në Evropë në rolin e tij. Megjithatë, e ardhmja e tij në “Camp Nou” është bërë më e pasigurt për shkak të konkurrencës së shtuar në mesfushën e Barcelonës.
Bernal e nisi sezonin si titullar në ndeshjet e para të La Ligës, por minutazhi i tij ka ndryshuar me kalimin e javëve dhe rritjen e konkurrencës për një vend në formacion.
Trajneri i Chelseat, Xabi Alonso, po e monitoron nga afër situatën e talentit spanjoll dhe e sheh Bernalin si një investim afatgjatë për mesfushën e skuadrës londineze.
Chelsea e konsideron 19-vjeçarin si një opsion të rëndësishëm për të ardhmen, ndërsa në garë për shërbimet e tij është edhe Manchester United, i cili gjithashtu po e ndjek nga afër situatën e mesfushorit.
Megjithatë, sipas raportimeve, Chelsea aktualisht është në pozitën më të mirë për të bërë një ofertë konkrete për Marc Bernal kur të rihapet afati kalimtar.
