Jamie Carragher e ka krahasuar trajnerin e Arsenalit, Mikel Arteta-n, me ikonën e Manchester United, Sir Alex Ferguson. Ky krahësim madhështor vjen pas reagimit të ashpër të Arteta ndaj një vendimi të gjyqtarit gjatë fitores së fundit të londinezëve ndaj Sunderland. Pavarësisht fitores 0-2, trajneri spanjoll reagoi me një zemërim të madh për një penallti të akorduar kundër skuadrës së tij, e cila u ndal në fakt nga super pritja e David Raya.
Ky gjest i Arteta, sipas Carragher tregon një pozicion autoriteti absolut në Premier League. “Ky ishte momenti kur Mikel Arteta po shndërrohet në Sir Alex Ferguson-in e Premier League.
Ai është ‘bosi’ për momentin; ai është kampioni i Premier League. Ka shumë trajnerë të rinj… ai ka gjashtë apo shtatë vjet në këtë rol dhe ndihet në një pozicion pushteti për të thënë: ‘Po, nuk ishte penallti’. Dhe unë nuk mendoj se ishte penallti”, tha Carragher.
