Kosova u mund 3-1 në Vienë ndaj Austrisë, në ndeshjen e dytë në grup në Ligën B, në Ligën e Kombeve. Menjëherë pas humbjes, trajneri i Dardanëve, Franco Foda analizoi humbjen e tij dhe theksoi momentin që vulosi fatin e takimit, ishte vendosja e gabuar e të tijëve në golin e dytë, në fund të pjesës së parë.
“E nisëm shumë mirë takimin dhe duhej te ishim ne të parët që duhej të kishim shënuar që në fillim (rasti i Muriqit). Mendoj se momenti që ndryshoi ndeshjen ishte goli për 2-0, para përfundimit të pjesës së parë.
Aty nuk u mbrojtëm mirë, nuk ishim vendosur mirë dhe ata e shfrytëzuan në mënryën e duhur. Megjithatë, ne nuk u dorëzuam dhe provuam deri në fund për të ndryshuar shifrat e ndeshjes”, tha Foda.
Pas tre ditësh, Kosova do të luajë ndeshjen e tretë në grup, këtë herë ndaj Izraelit, sërish jashtë fushe.
