Pas polemikave për një bojkot të mundshëm, nuk pati shtrëngim duarsh as mes kapitenëve të dy skuadrave, as mes trajnerëve. Bojkoti ra poshtë. Izrael-Irlandë u luajt.
Pas disa ditësh tensioni dhe diskutimesh në dhomën e zhveshjes, me portierin Gavin Bazunu që propozoi të mos luhej, futbollistët e kombëtares irlandeze vendosën të zbrisnin në fushë për ndeshjen e Nations League.
Ndeshja u zhvillua në Debrecen (Hungari), por lojtarët, trajneri dhe tifozët u bënë protagonistë të episodeve të ndryshme të formave të protestës. Në fushë nuk pati shtrëngim duarsh me trajnerin, kapitenin dhe lojtarët e Izraelit. Po ashtu, irlandezët zbritën në fushë me një shirit të zi në krah, në nderim të viktimave të konfliktit në Gaza.
Në momentin e himnit të Izraelit, të gjithë lojtarët e Irlandës ulën kokën poshtë, duke parë tokën. Në tribunat e stadiumit tifozët britanikë kanë hapur banderola të ndryshme, si “Forca Bazunu, zëri i drejtësisë”, “Dështim FAI, përkrahëse e genocidit”, “Ndal lojës”. Irlanda fitoi me rezultatin 0-3 kundër Izraelit.
