Gianluigi Buffon, legjenda e Juventusit, foli për situatën e bardhezinjve dhe trajnerin Luciano Spalletti, gjatë një ndeshjeje bamirësie të organizuar nga “Operazione Nostalgia”. Për Spallettin tha: “Ai është një garanci për Juventusin. Sipas meje, Spalletti e tregoi këtë sezonin e kaluar, gjatë 6 muajve të parë në stolin bardhezi. Fatkeqësisht, Juventusi nuk arriti të kualifikohej në Champions League, por unë nuk kapem kurrë pas fatit të keq. Megjithatë, disa ndeshje që luajtën shumë mirë nuk shkuan siç e meritonin dhe, për fat të keq, kjo u pagua shtrenjtë”.
Pa vendosur shumë presion mbi skuadrën, Buffon foli edhe për objektivat: “Sigurisht, Juventusi është një skuadër që mund të jetë konkurruese, pa bërë deklarata që nuk do të kishin kuptim. Por kjo nuk do të thotë të fitojë apo të jetë anti-Inter. Është skuadër që mund të zhvillojë një kampionat të nivelit të lartë dhe të arrijë në Champions League. Të përfundonte e para do të ishte një punë e jashtëzakonshme e trajnerit, drejtuesve dhe lojtarëve”.
