Duke qenë se ka përfunduar zgjedhje e tretë te Barcelona, pasi Hansi Flick preferon më shumë Joao Cancelo dhe Xavi Espart në krahun e mjatë të mbrojtjes, Alejandro Balde pritet të largohet gjatë merkatos së janarit nga Barcelona.
Anësori spanjoll u përfol edhe gjatë verës për një largim të mundshëm, por shanset që kjo gjë të ndodhë në merkaton e janarit janë shumë të mëdha. Përveç interesit nga klubet e Premier League, për spanjollin janë futur së fundmi në garë edhe dy klubet e mëdha të Serie A, Juventus dhe Milan.
Kontrata aktuale e Balde me Barcelonën skadon në 30 qershor 2028. Vlera aktuale e tij në treg sipas Transfermarkt është 50 milionë euro. Në dallim nga klubet e Premier League, të cilat janë të gatshme për të paguar këtë shifër, Juventus dhe Milan, preferojnë më shumë huazimin deri në fund të sezonit me të drejtë blerjeje.
