Çështja e Manchester City po trondit botën e futbollit. Premier League ka përcaktuar se klubi është përgjegjës për 114 akuzat, që variojnë nga falsifikimi i bilanceve te kontratat e lojtarëve gjatë një dekade. City vazhdon të deklarojë pafajësinë, ndërsa ish-lojtarë të shumtë kanë reaguar ashpër.
Ish-mbrojtësi i Liverpool-it dhe analisti i “Sky Sport”, Jamie Carragher, përmendi rastin e Kevin De Bruyne, sot te Napoli: “Po të isha ish-lojtar i Manchester City, do të isha i tërbuar dhe kështu ndihem tani. Duhet të jetë shumë e vështirë për ta të shohin gjithçka që po ndodh dhe pothuajse të ndiejnë se një pjesë e karrierës së tyre do të ketë një asterisk. Mendoj për Kevin De Bruyne, një nga lojtarët më të mëdhenj që kam parë. Mund të kishte luajtur për çdo skuadër në botë dhe do të ishte gjithsesi ndër më të mirët”.
Carragher shtoi se zgjedhja e City mund të jetë ndikuar edhe nga paga, e cila, sipas tij, mund të jetë fryrë për shkak të situatës financiare për të cilën klubi akuzohet. Për trofetë, ai tha: “Mendoj se titujt ose trofetë e Manchester City të fituar gjatë kësaj periudhe duhet të revokohen. Ajo që ka bërë City nuk ka dëmtuar vetëm lojtarët e tij. Tani askush nuk do t’i shohë trofetë dhe medaljet e tyre në të njëjtën mënyrë”.
