Faza fillestare e sezonit nuk ka treguar pikërisht një mbrojtje të pakalueshme të Inter. Të pësosh dhjetë gola në gjashtë ndeshje është një statistikë shqetësuese. Megjithatë, Manuel Akanji, i cili as vetë nuk ka shkëlqyer në këtë fazë të hershme, nuk duket i shqetësuar.
Pas disa javësh ku kishte pësuar gola, mbrojtësi qendror më në fund e mbajti portën të paprekur, ndonëse jo me Inter. Kombëtarja e tij, Zvicra, triumfoi në Glasgou, duke arritur një fitore të lehtë 3-0 ndaj Skocisë. Një portë e paprekur, në kontrast të plotë me formën e tij te zikaltërit.
Kur u pyet për këtë ndryshim krahasuar me paraqitjet e fundit me klubin, Akanji u përgjigj me qetësi: “Nuk është mirë që pësojmë kaq shumë gola tek Inter. Megjithatë, ne ia dalim t’i përmbysim ndeshjet dhe kjo është një gjë pozitive.”
“Por jam i lumtur kur nuk pësoj gol. Synimi i një mbrojtësi është të pësojë sa më pak gola të jetë e mundur. Megjithatë, te Inter ne luajmë një stil tjetër, më sulmues”, deklaroi Manuel Akanji.
