Mauro Icardi është shprehur hapur në rrjetet sociale. Sulmuesi argjentinas mbetet pa klub pasi kontrata e tij me Galatasaray skadoi në qershor, një situatë që po nxit shumë diskutime, duke marrë parasysh statusin e tij si lojtar.
“Maurito” publikoi një video stërvitjeje me një mbishkrim sfidues, duke lënë të kuptohet se disa njerëz e konsiderojnë karrierën e tij të përfunduar: “Ata e ngatërrojnë papunësinë me dështimin, unë e quaj jetë të organizuar mirë”.
“Ata e ngatërrojnë mungesën e kontratës me mungesën e alternativave. Unë e quaj liri zgjedhjeje. Kam punuar për të qenë zot i kohës sime, për të siguruar një të ardhme të qëndrueshme”, shton Icardi.
“Edhe sikur të ndaloja së punuari, jeta ime do të vazhdonte si më parë. Nuk e kuptoj shqetësimin e tyre për mua. Jetoni të qetë, jetoni në paqe dhe me shumë dashuri. Unë i kam tashmë të gjitha“, tha argjentinasi.
