Claudio Marchisio nuk ka reshtur së mbështeturi Juventusin. Në një intervistë për “Gazzetta dello Sport” foli për të tashmen e bardhezinjve, por edhe të kaluarën, duke komentuar zërat për një rikthim të mundshëm të Antonio Contes:
“Kam besim te Spalletti, por pa Yildiz, kjo skuadër humbet 25-30% të potencialit të saj. Nostalgjia për Conte ka qenë gjithmonë dhe do të jetë gjithmonë, kështu ishte edhe në kohën e Allegrit. Unë kam besim te Spalletti, por klubi nuk duhet të kërkojë kurrë justifikime”.
Marchisio mbron gjithashtu investimin e verës për Kolo Muani dhe shpjegon se, në mënyrë metaforike, është ngjitur në “qerren” e tij, sepse e di shumë mirë se nuk është një bomber dhe duhet gjykuar për atë që mund të japë.
Në çdo rast, ish-mesfushori e di peshën që kanë dëmtimet dhe mungesa e Yildiz, e cila i heq skuadrës 25-30% të paparashikueshmërisë. Ndërkohë, ai kërkon kujdes me krahasimet për Woltemade: “Nuk besoj se është si Ibra i ri, duket i lehtë”.
