Roberto Mancini u shfaq i kënaqur pas barazimit 1-1 në “Stade de France” ndaj Francës: “Mbrojtëm dhe sulmuam si skuadër, ishte një mbrëmje shumë pozitive. E dinim se do të ishte shumë e vështirë, por ishim të zotë të lejonim pak dhe të bënim gjëra shumë të mira. Ndonjëherë duhet të vuash, siç ndodhi në 20 minutat e para, dhe duhet të dimë ta bëjmë së bashku”.
Për reagimin pas humbjes me Belgjikën: “U përpoqëm të luanim, edhe pse nuk ishte e thjeshtë. Vuajtëm në disa raste, por shkuam për të shënuar dhe kjo është shumë pozitive. Të dyja skuadrat mund të fitonin në fund, ky është futbolli”.
Mancini vlerësoi veçanërisht portierin: “Rezultatet ndryshojnë opinionet. Donnarumma është portieri më i mirë në botë, sepse kur duhet të presë, pret. Na shpëtoi kur duhej të na shpëtonte. Kjo skuadër mund të jetë një kombëtare e shkëlqyer. Do të duhet kohë, por po rritemi mirë”.
Për sulmuesit tha: “Të gjithë ishin mirë, duhet të shënojnë”. Ndërsa për Fagiolin shtoi: “Për mua mund të luajë si organizator dhe si ‘mezzala’, teknikisht është lojtar shumë i mirë”.
