Pas fitores së Finlandës ndaj Shqipërisë 2-1, Bjellorusia ka bërë detyrën ndaj San Marino, duke fituar 4-0 në fushën asnjanëse në Budapest. Pjesa e parë u mbyll 0-0. Bjellorusët zhbllokuan rezultatin që në fillim të pjesës së dytë, më pas shënuan edhe tre gola të tjerë.
Kjo është fitorja e parë për ta në grup, pas humbjes ndaj Shqipërisë dhe barazimit ndaj Finlandës. Situata pas 3 ndeshjeve të para në grupin 1 në Ligën C, është e tillë.
1. Finlanda 7 pikë
2. Shqipëria 6 pikë
3. Bjellorusia 4 pikë
4. San Marino 0 pikë.
Pas tre ditësh, Shqipëria pret San Marinon në “Air Albania”, Bjellorusia pret Finlandën.
Në grupin po në ligën C, Estonia fitoi në shtëpi 1-0 ndaj Luksemburgut. Islanda fitoi 3-0 ndaj Bullgarisë.
Teilen:
