Ylli i Barcelonës dhe Kombëtares së Spanjës, Dani Olmo, vazhdon të kontribuojë financiarisht për qytetin kroat të Vukovarit, ku ai u zhvillua si futbollist.
Një ditë më parë u konfirmua se Olmo ende dhuron një pjesë të pagës së tij për të ndihmuar komunitetet sportive në Vukovar dhe Slavonski Brod.
Duke folur për këtë kontribut, Olmo tha se ndiente një detyrim moral ndaj Kroacisë pas largimit të tij nga vendi.
“Nuk e dija që Andy Bara do të fliste për të gjitha këto, por kur u largova, ndjeva se i kisha borxh diçka Kroacisë dhe se duhej t’i ktheja diçka. Ne ndihmuam komunitetet sportive në Vukovar dhe Slavonski Brod”, deklaroi Olmo.
“Ndjeva se duhej t’i ktheja diçka Kroacisë dhe mendova se kjo ishte gjëja më e mirë që mund të bëja”, shtoi ylli i Barcelonës.
Dani Olmo on donating part of his salary to Vukovar:
Olmo u largua nga Dinamo Zagreb në vitin 2020, por lidhja e tij me Kroacinë dhe veçanërisht me Vukovarin ka vazhduar edhe pas transferimit në futbollin spanjoll.
