Mbrëmë ishte dita që asnjë argjentinas nuk do ta donte.
Lionel Messi u tërhoq zyrtarisht nga kombëtarja e Argjentinës.
Të martën në mbrëmje, Argjentina luajti kundër Beninit dhe fitoi 3-0 , me Messin që shënoi një gol dhe dy asiste.
Pak pasi mbaroi shfaqja tërë-ditore, Messi mori mikrofonin për t’u thënë lamtumirë tifozëve që udhëtuan për në “El Monumental”.
Fjalimi i tij u shoqërua me tone emocionale, një homazh për karrierën, fansat dhe babain e tij.
“Nuk më ka mbetur gjë tjetër veçse të jem mirënjohës, ishte një nder i madh të mbaja këtë fanellë për më shumë se 20 vjet. Nuk pushova kurrë së luftuar, duke dhënë gjithçka nga vetja. Ju premtoj se do të doja shumë të vija këtu për pjesën tjetër të jetës sime, sepse të luash për ekipin kombëtar të Argjentinës është gjëja më e bukur që mund të të ndodhë. Ndjej se është koha e duhur [për t’u tërhequr]. Ishim afër përmbushjes së ëndrrës për t’u bërë përsëri kampionë bote. Dhamë gjithçka” tha ai.
Legjenda e futbollit u shpreh se do t’i mungojë koha e kaluar bashkë me të gjithë ekipin kombëtar.
“Sot ju them lamtumirë të gjithëve ju. Do të më mungojë mbrojtja e ngjyrave të ekipit kombëtar, por gjithmonë do t’i mbështes këta fëmijë dhe të gjithë ata që vijnë më pas. Gjithmonë të bashkuar. U la e qartë se kur jemi bashkë, jemi më të fortë se të gjithë të tjerët. Për të arritur gjëra të rëndësishme duhet të formosh grupe të bashkuara. Në kohë të vështira janë kur shfaqen këto grupe. Ne kishim një grup të jashtëzakonshëm dhe kjo është arsyeja pse arritëm gjithçka që bëmë” shtoi Messi.
Messi më pas la një mesazh të fundit për të gjithë: “ Jam mirënjohës ndaj Zotit që jam argjentinas, krenar që jam argjentinas. Faleminderit të gjithëve. Ju dua.”
