Një automjet ka shpërthyer në orët e para të mëngjesit të sotëm në zonën e Myslym Shyrit, në Tiranë. Mësohet se automjeti i përket avokatit Idajet Beqiri.
Dyshohet se në automjet ishte vendosur lëndë eksplozive, ndërsa shpërthimi ka ndodhur në momentin kur makina ishte e parkuar në ambientet e parkimit të pallateve.
Fatmirësisht, nga ngjarja nuk raportohet për persona të lënduar.
Policia ka mbërritur në vendngjarje dhe ka nisur hetimet për të zbardhur rrethanat e plota të shpërthimit, si dhe për të përcaktuar nëse kemi të bëjmë me një akt të qëllimshëm.
Deri më tani, shkaqet dhe motivet e mundshme të ngjarjes mbeten të paqarta.
/rtsh.al/
Teilen:
