Rafael Leao ishte një nga shqetësimet kryesore të Barcelonës në transfertën e saj në Stamboll. Sulmuesi portugez i Galatasaray dha asistin për golin e rezultatit 1-0, përpara se stuhia katalanase, me talentin e Lamine Yamal në krye, të përmbyste gjithçka dhe ta kthente ndeshjen e Champions League në një fitore të thellë për katalanasit, me rezultatin 4-1.
Pas përballjes, futbollisti i kombëtares portugeze shprehu hapur vlerësimin e tij për Yamal: “Dëshiroj që ai ta fitojë ‘Topin e Artë’, sepse e meriton”. I pyetur nëse numri 10 i Barcelonës është tashmë lojtari më i mirë në botë, sulmuesi 27-vjeçar, i cili ishte përfolur si përforcim i mundshëm i klubit katalanas gjatë kohës kur luante te Milani, shprehu admirimin për talentin e dalë nga akademia “La Masia”: “Sigurisht, duke qenë se jam mik i tij, dëshiroj që ai ta fitojë ‘Topin e Artë’ dhe të mund ta ndihmojë Barcelonën të arrijë gjëra të mëdha”.
Sipas portugezit, Lamine Yamal është tashmë “mes lojtarëve më të mirë në botë”, duke marrë parasysh arritjet e tij dhe moshën e re: “Është një lojtar që e admiroj jashtëzakonisht shumë. Më duket gjithashtu një person shumë modest. Është i rrethuar nga njerëz të mrekullueshëm dhe luan në një klub të jashtëzakonshëm, të cilin e vlerësoj shumë”.
