Ish-trajneri i Ballkanit, kroati Mislav Karoglan ka marrë drejtimin e Partizanit të Tiranës në Kategorinë Superioretë Shqipërisë.
Karoglan është prezantuar të enjten te Partizani dhe tashmë ka mbajtur stërvitjen e parë me skuadrën e re.
Trajneri 44-vjeçar në fund të muajit gusht u largua nga Ballkani, ekip të cilin e drejtoi prej nëntorit të vitit të shkuar dhe sezonin 2024/25 e mbylli në pozitën e tretë në Superligë me suharekasit.
Karoglan me Partizanin e Tiranës ka firmosur kontratë dyvjeçare dhe para Ballkanit, si trajner ka punuar edhe në Kroaci e Moldavi.
Ai në krye të ekipit nga Tirana, do të debutojë këtë vikend në udhëtim ndaj Vorës kurse Partizani është i parafundit në tabelë me 4 pikë pas 6 ndeshjeve të luajtura në kampionat.
Teilen:
