Në një intervistë të fundit për “Gazzetta dello Sport”, Fernando Lllorente ka analizuar situatën aktuale te Juventus, ku ndër të tjera është shprehur për një rikthim të mundshëm të Antonio Conte te bardhezinjtë si dhe për çështje të tjera.
“Conte do të kthehet vetëm te një skuadër, tek ajo që dashuron. Herët a vonë do të kthehet në shtëpi; është trajneri ideal për Juventusin. Antonio është i nivelit më të lartë: ai dhe Ancelotti janë trajnerët më të mirë që kam pasur ndonjëherë”, tha fillimisht Llorente.
Spanjolli tregoi edhe prtishmëritë që ka për sulmuesin e Juventusit Kolo Muani si dhe për përshtatjen me ëoltemade.
“Si sulmues, e kuptoj këndvështrimin e Kolo Muanit: është më e lehtë të luash kur ke një sulmues tjetër në krah. Por unë kisha Carlos Tevezin, ndërsa ai jo. E njoh francezin prej vitesh: nuk është një golashënues i pastër, por jam i bindur se mund t’i arrijë 20 gola këtë vit. ëoltemade dhe Kolo Muani mund të funksionojnë si dyshe, me kushtin që gjermani të shfrytëzojë më shumë fizikun e tij për të mbajtur topin dhe për të fituar duelet”, shtoi Llorente.
I pyetur se cilin lojtar do të dëshironte të shihte me fanellën e Juventusit, Llorente zgjodhi Raphinha-n.
“Nëse më lejohet të ëndërroj, e imagjinoj Raphinha-n e Barcelonës te Juventus. Një sulmues i kompletuar; shënon gola dhe u jep shtysë shokëve të skuadrës. Është i pandalshëm”, tha spanjolli.
