Carlos Agusto ishte protagonisti kryesor në fitoren e mbrëmshme të Interit 1-3 ndaj Bologna. Braziliani u fut në fushë në minutën e 69-të, në vend të Federico Dimarco, kur rezultati aktual ishte 1-1.
Menjëherë, Inter gjen golin e avantazhit 1-2 pikërisht me Carlos Agusto. Braziliani asistoi dhe në golin e tretë të shënuar nga Ange-Yoan Bonny. Menjëherë pas kësaj super paraqitje të Carlos Agusto, mediet italiane konfirmojnë se Inter ka nisur bisedimet për një rinovim të kontratës së 27-vjeçarit.
Kontrata aktuale e Carlos Agusto me klubin zikaltër skadon në vitin 2028. Plani është që kontrata e re të jetë deri në vitin 2031 dhe për lojtarin të ketë një dyfishim rroge, nga 2 milionë euro që fiton aktualisht. Carlos Agusto është një lojtar që mund të mbulojë disa pozicione në fushë si në mbrojtje ashtu edhe në mesfushë.
