Barcelona fitoi mbrëmë 2-5 ndaj Betis, duke marrë fitoren e nëntë rresht në La Liga, duke kryesuar renditjen me pikë të plota, 27. Java që vjen do të jetë shumë vendimtare për Barcelonën. Në mesjavë, katalanasit do të masin forcën ndaj kampionëve në fuqi të Europës, PSG-së, në Champions League.
Në fundjavën e ardhshme është “El Clasico” i parë i këtij sezoni, që do të luhet në “Camp Nou”. Katalanasja Sport zbulon se para këtyre dy sfidave shumë të rëndësishme, Hansi Flick ka vetëm një dilemë përsa i përket formacionit titullar.
Dilema e vetme e gjermanit është se kush do të luajë si organizator që nga fillimi, Fermin Lopez apo Dani Olmo. Ky i fundit u rikthye mbrëmë te goli, duke i dhënë fund thatësirës prej disa ndeshjeve pa shënuar. Në anën tjetër, Fermin Lopez kontriboi me një asist në fitoren e mbrëmshme.
Përsa i përket statistikave të dy lojtarëve, Dani Olmo ka luajtur 489 minuta këtë sezon dhe ka regjistruar 1 gol dhe 4 asiste. Fermin Lopez ka luajtur 639 minuta dhe ka regjistruar 5 gola dhe 3 asiste.
