PSG fitoi mbrëmë me përmbysje 1-3 ndaj Strasbourg në Ligue 1, por fundi i ndeshjes nuk ishte aspak i mirë për parizienët, përveç rezultatit.
Nuno Mendes u largua nga loja në minutën e 86-të për shkak të dhimbjeve në kofshë. Sot, është konfirmuar që portugezi do të mungojë për disa javë, pas dëmtimi është më i rëndë nga sa u mendua fillimisht.
“Pas një dëmtimi në kofshën e majtë gjatë ndeshjes së mbrëmshme kundër Strasbourg, Nuno Mendes do të jetë jashtë fushave për javët në vijim”, thuhet në njoftimin zyrtar të klubit parizien.
Mungesa e Nuno Mendes do të jetë një telash më vete për Luis Enrique, sidomos për sfidën e të martës, ndaj Barcelonës në Champions League. Në vend të tij do të luajë Lucas Digne, i cili deri tani nuk ka bindur aspak me paraqitjet e tij.
