Xavi Espart shkëlqeu kundër PSG-së në “Parc des Princes”, duke bërë prezantimin e tij të madh në Europë, pasi nuk kishte luajtur asnjë minutë ndaj Feyenoord-it dhe Galatasaray-t. Paraqitja mund t’i hapë sërish dyert e formacionit titullar për “El Clásicon”.
Në moshën 19 vjeç e 152 ditë, mbrojtësi u bë spanjolli më i ri që shënon në historinë e Champions League. Sipas “MisterChip”, rekordi i mëparshëm për lojtarët spanjollë nën 20 vjeç mbahej nga Sergio Ramos, i cili shënoi 19 vjeç e 251 ditë, në ndeshjen Real Madrid-Olympiacos, më 6 tetor 2005.
Në minutën e 55-të, pas kombinimit me Fermín, ai barazoi shifrat 1-1 me një goditje të fuqishme të së djathtës, pasi përshkoi fushën me 31.2 km/h, sipas UEFA-s. Lamine Yamal arriti shpejtësinë 32.7 km/h në kundërsulme.
Edhe në mbrojtje spikati: fitoi 4 nga 9 duele, realizoi 3 ndërhyrje të sakta në 3 tentativa dhe rikuperoi 5 topa. Kreu 46 pasime të sakta, me 83% sukses, bëri vetëm dy faulle dhe bllokoi një aksion kundërshtar.
