Manuel Akanji vlerëson fitoren e Interit ndaj Shakhtar Donetsk dhe thekson se skuadra zikaltër e meritoi suksesin. Pas triumfit 1-0 në Champions League, mbrojtësi zviceran foli për kanalet zyrtare të klubit, duke nënvizuar rëndësinë e tri pikëve dhe gatishmërinë për të luajtur në çdo pozicion që i kërkon trajneri Cristian Chivu:
“Ishte shumë e rëndësishme të fitonim. Mendoj se e meritonim fitoren. Ishte një ndeshje e vështirë, por arritëm ta mbyllnim me sukses. Kam luajtur në tri pozicione të ndryshme. Ndihem mirë në këtë skuadër dhe luaj aty ku më kërkon trajneri. Pozicioni nuk është i rëndësishëm; rëndësi ka të ndihmoj ekipin”.
Mbrojtësi pranoi se fillimi i sezonit nuk ka qenë ideal për të personalisht dhe për repartin defensiv të Interit. Megjithatë, fitorja në Europë shihet si një hap i rëndësishëm për të rifituar vazhdimësinë:
“Fitorja ishte jashtëzakonisht e rëndësishme. Duhet të vazhdojmë të bëjmë paraqitje të mira në Champions League, por edhe të rikthehemi të përqendrohemi te kampionati”.
