Trajneri i Bayern Munichut, Vincent Kompany, është dërguar me urgjencë në spital pasi dyshohet se është rrëzuar pas një seance stërvitore të skuadrës bavareze.
Sipas raportimeve të mediave gjermane, 40-vjeçari belg është transportuar me ambulancë në një spital në Mynih, ndërsa një helikopter emergjence kishte ateruar më herët në qendrën stërvitore të klubit.
Kompany thuhet se ditët e fundit ka vuajtur nga një infeksion viral, i cili i kishte shkaktuar probleme fizike, përfshirë vështirësi në ecje dhe ngjitjen e shkallëve. Pavarësisht gjendjes shëndetësore, ai ishte paraqitur në stolin e Bayernit në ndeshjen ndaj Arsenalit në Ligën e Kampionëve, e cila përfundoi 2-2.
Për momentin, nuk ka informacione të konfirmuara zyrtarisht për gjendjen e tij shëndetësore apo shkakun e saktë të incidentit.
Kjo situatë vjen vetëm pak ditë para ndeshjes së radhës së Bayernit në Bundesligë ndaj Freiburgut, e planifikuar për të dielën. Mbetet të shihet nëse trajneri belg do të jetë në gjendje ta drejtojë skuadrën në këtë përballje.
