Kombëtarja e Kosovës dhe ajo e Izraelit do t’i zhvillojnë sot aktivitetet e fundit para përballjes së tyre, e cila zhvillohet të shtunën në kuadër të Ligës së Kombeve.
Federata e Futbollit e Kosovës (FFK) ka njoftuar për agjendën e të dy përfaqësueseve, të cilat do t’i zhvillojnë konferencat për media dhe stërvitjet zyrtare në stadiumin “Fadil Vokrri” në Prishtinë.
Fillimisht, në orën 11:00, do të mbahet konferenca për media e Kombëtares së Izraelit, ndërsa në orën 11:30 është paraparë stërvitja zyrtare e kësaj përfaqësueseje.
Ndërkaq, Kombëtarja e Kosovës do të dalë para gazetarëve në orën 14:20, kurse stërvitjen zyrtare do ta zhvillojë nga ora 15:00.
Ballafaqimi Kosovë – Izrael do të zhvillohet të shtunën nga ora 15:00 në stadiumin “Fadil Vokrri” në Prishtinë.
Teilen:
