Thursday, 19. November 2026
Sport

Muçi gati për duelin e Trabzonsporit në vikend

GS 19/11/2026 1 Min. Lesezeit

Te skuadra e Trabzonsporit kanë marrë një lajm të mirë sa i përket futbollistit të Kombëtares së Shqipërisë, Ernest Muçi.

Bëhet e ditur se Muçi do të jetë i gatshëm për të luajtur për ndeshjen që Trabzonspori e zhvillon të dielën në shtëpi kundër Eyupsporit në kuadër të kampionatit turk.

Muçi tashmë është rikuperuar nga lëndimi që e pësoi në fitoren e Shqipërisë ndaj Finlandës në Ligën e Kombeve, duke bërë që të largohet nga grumbullimi në prag të duelit me Bjellorusinë.

25-vjeçari është njëri prej lojtarëve më të rëndësishëm te Trabzonspori, ekip që renditet i dyti në tabelë me 25 pikë, tri më pak se Galatasaray që është lider.

Në sezonin aktual, Muçi ka shënuar 3 gola dhe 6 asistime në 10 ndeshje të luajtura në Superligën e Turqisë.

⚽
UEFA Nations LeagueRezultatet dhe ndeshjet e fundit
Duke ngarkuar rezultatet…
Teilen: