Mbrojtësi i Kombëtares së Shqipërisë, Elseid Hysaj, ndodhet shumë pranë një hapi gjigant në karrierën e tij, pasi raportohet se po i afrohet marrëveshjes për t’iu bashkuar skuadrës së njohur angleze, Manchester United.
Sipas disa mediave angleze, thuhet se drejtuesi teknik i “Djajve të Kuq”, Jason Wilcox, e ka identifikuar 32-vjeçarin shqiptar si një përforcim mjaft të dobishëm për të rritur konkurrencën dhe opsionet në të dyja krahët e mbrojtjes.
Gjithashtu, trajneri i ri i Manchester Unitedit, Mauricio Pochettino, thuhet se ka dhënë miratimin e tij të plotë dhe “dritën jeshile” për finalizimin e këtij operacioni.
Ky interesim nga gjiganti i Premierligës vjen si rezultat i formës mbresëlënëse që Hysaj tregoi së fundmi me fanellën kuqezi, duke siguruar edhe një vend në formacionin ideal të edicionit 2026 të Ligës së Kombeve.
Hysaj aktualisht është lojtar i lirë, pas eksperiencave të gjata në futbollin italian me klube si Lazio, Napoli dhe Empoli.
Pikërisht me skuadrën e Empolit ai po zhvillon stërvitjet në këtë periudhë për të ruajtur formën optimale fizike, në pritje të zyrtarizimit të aventurës së re.