Saturday, 21. November 2026
Futboll

Milan me sytë nga Bruno Fernandes, por ka tri prioritete më të rëndësishme për janarin

GS 21/11/2026 2 Min. Lesezeit

Milan është një nga klubet e interesuara për një transferim të mundshëm të Bruno Fernandes, pasi portugezi duket se ka vendosur përfundimisht të largohet nga “Djajtë e Kuq”. Kontrata e tij aktuale skadon në fund të sezonit, me mundësinë e rinovimit edhe për një vit tjetër, por deri tani nuk ka dritë jeshile dhe duket se marrëdhënia mes mesfushorit dhe klubit është e tensionuar. Në këtë situatë, largimi i tij është shumë i mundshëm nga “Djajtë e Kuq”.

Në anën tjetër, pritet që Milan të jetë sërish aktiv gjatë merkatos së janarit, por një lëvizje për Bruno Fernandes-in nuk është aktualisht në agjendën e kuqezinjve. Në vend të kësaj, Milani shpreson të afrojë një qendërmbrojtës të ri, ku emri i Goncalo Inacio-s është ndër ata që përfliten më shumë për një transferim drejt “San Siro”-s në merkaton dimërore.

Corriere dello Sport pretendon se Milan do të kërkojë në janar po ashtu një lojtar të ri për krahët e sulmit. Mundësisht dikë që mund të luajë në të dyja anët, pas dëmtimeve afatgjata të Alexis Saelemaekers dhe Samuel Chukwueze.

Objektivi i tretë i vendosur për merkaton e janarit është afrimi i një qendërsulmuesi. Disa nga emrat më të përfolur janë Endrick, Nicolo Tresoldi, Ermedin Demirovic dhe Paul Mendy.

⚽
Serie ARezultati i fundit · Ndeshja e radhës · Tabela
Duke ngarkuar rezultatet…
Teilen: