Presidenti i Federatës së Futbollit të Kosovës, Agim Ademi, sot e ka takuar ish futbollistin e mirënjohur Valdet Ramën.
Një takim i përzemërt dhe shumë domethënë, ku diskutuan për ecurinë e futbollit në përgjithësi.
“Sot i dëshirova mirëseardhje në Kosovë, ish-futbollistit të Kombëtares së Kosovës dhe të Shqipërisë, Valdet Rama.
Valdeti ka qenë një futbollist shembullor, i cili ka luajtur me pasion e zemër si në fanellën e Kosovës, ashtu edhe në atë të Shqipërisë, duke e dhënë vazhdimisht maksimumin në fushën e gjelbër për lartësimin e vendeve tona.
Në një bashkëbisedim miqësor diskutuam për futbollin, teksa i shpreha mirënjohjen time për kontributin e dhënë në futbollin tonë kombëtar.
Bashkë Për Futbollin”, ka shkruar Ademi në profilin e tij në facebook.
