Juventusi pret Milanin në javën e parafundit të Serisë A, me të dyja skuadrat që duan pikët për Champions-in. “Panorama Sport” sjell për lexuesit e saj statistikat më interesante të këtij dueli.
– Pas suksesit 2-0 në ndeshjen e parë, Milani mund të fitojë të dyja ndeshjet sezonale kundër Juventusit në Serinë A për herë të tretë në 50 vitet e fundit, pas 2009-’10- ës dhe 1990-’91-shit.
– “Djalli” ka mbajtur portën e pastër në dy ndeshjet e fundit kundër Juventusit në kampionat; vetëm një herë në historinë e tyre të Serisë A, kuqezinjtë kanë regjistruar një seri më të gjatë të portave të paprekura të njëpasnjëshme kundër “zonjës”: 4 mes viteve 1988 dhe 1989.
– Suksesi i fundit i Juventusit kundër Milanit në Serinë A daton më 6 janar 2021 (3-1 në “San Siro” me Andrea Pirlon si trajner); që atëherë, kuqezinjtë kanë mbetur të pamposhtur në katër ndeshjet e më passhme të kampionatit (2 fitore e dy barazime) – hera e fundit që milanezët shkuan në një seri më të gjatë ndeshjesh të pamposhtur kundër bardhezinjve në Serinë A ishte mes viteve 1990 dhe 1992 (5).
– Pasi fitoi të nënta ndeshjet e para në “Allianz Stadium” kundër Milanit në kampionat, Juvja ka marrë vetëm një pikë në dy ndeshjet e fundit në shtëpi kundër tyre në Serie A; Është nga periudha midis 2004 dhe 2006 që bardhezinjtë nuk kanë regjistruar më ndeshje të brendshme pa ndonjë sukses kundër Milanit në turne (tri në atë rast në stadiumin “Delle Alpi”).
– “Zonja e vjetër” ka humbur 9 ndeshje në një sezon të vetëm në Serinë A për herë të parë që nga 2010-‘11 (10 në atë rast). Ekipi i Alegrit gjithashtu mund të regjistrojë tri humbje radhazi në të gjitha turnetë për herë të parë që nga periudha shkurt-mars 2011 nën drejtimin e Luixhi Delnerit.
– Asnjë ekip nuk ka fituar më shumë pikë në ndeshjet në shtëpi se Juventusi këtë sezon në Serinë A: 42 në 18 ndeshje (rekord i barabartë me Napolin); nga ana tjetër, ekipi i Piolit është formacioni i 9-të për pikë në transfertë (24 në 18 ndeshje) në kampionatin aktual.
– “Djalli” ka fituar vetëm 1 nga 9 transfertat e fundit (4 humbje e po aq barazime) në të gjitha turnetë (4-0 kundër Napolit në kampionat më 2 prill) dhe ka humbur dy të fundit; Kuqezinjtë nuk kanë regjistruar tri humbje radhazi jashtë shtëpisë që nga maji 2015-ës, me Filipo Inzagin në stol.
– Vetëm Roma ka shënuar më shumë gola (7) se Milani dhe Juventusi (të dy në kuotën 6) në minutat e fundit shtesë në Serinë A 2022-‘23.
– Olivie Zhiru ka shënuar 11 gola në kampionatin aktual: duke barazuar rezultatin e tij në Serinë A 2021/22. I përhapur në të gjitha garat, francezi nuk ka shënuar të paktën 16 gola në një sezon të vetëm për klubet që nga viti 2016-‘17 (16 për Arsenalin): hera e fundit që ai bëri më mirë ishte në 2015-’16-ën (24 gola në atë rast, përsëri me Arsenal).
PANORAMASPORT.AL
