10 qershori po afron dhe Stambolli do të jetë gati për të mbajtur një event fantastik, atë të finales së Champions League, ku Inter dhe Manchester City do të ndeshen së bashku.
Ky trofe është shumë i rëndësishëm për çdo skuadër dhe të gjithë e ëndërrojnë ta ngrenë lart në qiell.
Ndërkohë, presidenti i Interit, Steven Zhang, ka thirrur të gjithë klubin bashkë për të mbështetur skuadrën në këtë takim me histori. Punonjësit e klubit morën emailin e ftesës për finalen e Stambollit dhe të shtunën më datë 10 qershor rreth 500 persona nga kompania e Interit do të nisen me çarter nga Malpensa drejt Turqisë dhe më pas do të kthehen përsëri në shtëpi pas ndeshjes./h.ll/abcnews.al