Presioni rritet mbi Massimiliano Allegri, por drejtori i klubit Francesco Calvo ka përsëritur se trajneri do të mbetet në krye në 2023-2024 dhe së shpejti do ta takojë atë për të planifikuar të ardhmen e ‘Bianconerëve’.
Juventusi ka siguruar një vend në garat evropiane, pavarësisht zbritjes së 10 pikëve në Serie A, por një hetim i UEFA-s mund të çojë në një ndalim për një vit nga garat në Evropë.
Sipas ‘Corriere dello Sport’, një takim kyç midis Allegrit dhe drejtorëve të klubit do të zhvillohet në ditët në vijim, përcjellë lajmi.net.
Trajnerit i kanë mbetur edhe dy vite kontratë në ‘Allianz Stadium’ dhe nuk ka në plan të largohet.
Po kështu, drejtori i Juventusit, Calvo, ka thënë vazhdimisht se italiani do të qëndrojë në krye edhe sezonin e ardhshëm.
Gjigantët e Serie A kanë vendime jetike për të marrë përpara sezonit 2023-24 dhe së shpejti do të diskutojnë hapat e ardhshëm me Allegrin./Lajmi.net/
